Emaitza onak lortu dituzte C.D.Hernani taldeko pilotariek txapelketa ofizial eta pribatuetan jokatutako partidetan. Emaitza orokorra 19 garaipen eta 19 porrotekoa izan zen, baina jardunaldiari nota ona jarri behar zaio partida garrantzitsu gehienak irabaztea lortu zelako.
Asteburuko onena Imanol Ormazabal, Lier Zugasti eta Ekhi Oses infantilen sailkapena izan zen, datorren igandean jokatuko diren Baztan Torneoko finalak jokatzeko.
Ormazabal - Zugasti bigarren mailako finalerdia irabazi zuten 18-6 Iraizoz-Zugasti (Barañain) kontra, C.D.Hernaniko bikoteak partida ona jokatu zuen eta partidaren hasieratik nagusi izan ziren.
Ekhi Osesek, Adur Otaegi (Behar Zana) lagun zuela, 18-6 irabazi zuen Baleztena-Alkorta (Leitza) bikotearen aurka lehen mailako finalerdian. Oses - Otaegik maila onean jarraitzen dute eta partida bikaina jokatu zuten berriro, bikote nafarrari erraz irabazita.
Gipuzkoako Erredimendu txapelketan, Ekhi Oses infantilak lortutako emaitza ere garrantzitsua izan zen, eta finalerdia jokatzeko sailkatu zen, Urrestillari (Ilunpe) 8-2, 8-0 irabazita final-laurdenetan.
Bukatzeko aipatu behar da, Gipuzkoako Banakako txapelketako sailkapen fasea amaitu ondoren, Oier Azpeitia, Martin Alberdi kadeteak, Julen Deskarga, Xuban Iturbe jubenilak eta Jon Jara eta Garikoitz Arizmendi seniorrak asteburu honetan hasiko den azken fasea jokatzeko sailkatu dira.
Jardunaldiko txarrena Aratz Labaka eta Oier Arsuaga infantilen eskutik etorri zen, ezin izan baitzuten Baztan Torneoko finala jokatzeko sailkatu.
Labaka - Arsuagak 2º mailako finalerdia galdu zuten 18-8 Armendariz - Salanueva (Lodosa) bikotearen aurka. Hernaniarrak ez zuen gaizki jokatu, baina ezin izan zuten inoiz txapela irabazteko faborito diren aurkarien aurka.
Txarra baita ere, Oier Arsuagak infantilak lortutako emaitza Gipuzkoako Errendimenduko txapelketan, 8-7, 8-1 galdu zuen Etxaniz (Azkoitia) aurka. Hernaniarrak ez du asteburu ona izan, bere bi hitzordu garrantzitsuak galdu ditu, baina klubetik zorionak eman nahi dizkiogu bi txapelketetan erakutsi duen mailagatik eta lanean jarrai dezan animatu nahi dugu, ziur garaipen onak berriro laster iritsiko direla.
No hay comentarios:
Publicar un comentario