Jardunaldi gazi-gozoa asteburu honetan C.D.Hernaniko pilotarientzat, une honetan jokatzen ari diren txapelketa ofizial eta pribatuetan, trinketeko sailkapen fasea amaitu ondoren, klubeko 3 bikote finalerdietarako sailkatu dira, baina pilotalekuan jokatu ziren 4 kanporaketak galdu ziren.
9 garaipen eta 12 porrot dira jardunaldiko azken balantzea.
Emaitzarik onenak Gipuzkoako Trinketa Txapelketan lortu ziren, 3 bikotek finalerdiak jokatzeko sailkatu ziren.
Kadeteetan Joseba Arretxe - Martin Alberdik 2 partida irabazi eta 1 galdu dituzte sailkapen fasean eta multzoko bigarren postuan sartu dira.
Jubeniletan Unax Manterola - Markel Urdangarin eta Xuban Iturbe - Oier Alegria sailkapen-faseko partida guztiak irabazi dituzte eta multzoko lehen postuan sartu dira.
Emaitzarik txarrenak frontoiko 4 porrotak izan ziran, Gipuzkoako banakako Txapelketako final-laurdenetako 4 kanporaketetan.
Oier Azpeitia 1º mailako kadeteak 18-7 galdu zuen Izagirreren (Lapke) aurka. Hernaniko pilotariak ondo jokatu zuen 7ko berdinketara arte, baina gero ezin izan zuen txapela irabazteko faboritoetako bat gainditu.
Xuban Iturbe eta Julen Deskarga 2º mailako gazteek ere galdu egin zuten kanporaketa, Iturbek 22-20 galdu zuen Bidezabalen aurka (Ilunpe) edozinek irabazi zezaken partida gogor batean eta Deskargak 22-14 galdu zuen Contrerasen (Ataun) aurka, hasieratik gehiago izan zen bere kontraioa.
Bukatzeko Jon Jara 2º mailako seniorrak ere 22-7 galdu zuen Sasiainen (Abantzu) aurka, partida hasieratik aurkaria nagusi izan zelarik.
Klubeko zuzendaritzatik 4 pilotariak zoriondu nahi ditugu jokatu duten txapelketa onagatik eta etorkizunean lorpen horiek gainditzeko entrenatzen jarrai dezaten animatu nahi ditut.
No hay comentarios:
Publicar un comentario