C.D.Hernaniko pilotarien jardunaldi kaskarra asteburu honetan, une honetan jokatzen ari diren txapelketa ofizial eta pribatuetan, 5 garaipen eta 9 porrot, hiru hitzordu garrantzitsuenak galdu dituen jardunaldiaren azken balantzea da.
Ostiralean, Arrasaten, Ekhi Oses infantilak Gipuzkoako Errendimendu Txapelketako finala galdu zuen 1. mailan, pilotari hernaniarrak hatz bat lesionatu zuen partida hasi eta gutxira, eta ezer gutxi egin ahal izan zuen Etxaniz (Azkoitia) mailako pilotari baten aurka, 8-4, 8-2 bi jokoak galduta.
C.D.Hernani taldeko pilotariek denboraldi honetan jokatu duten 6. finala da hau, Ekhi Oses infantilaren 2. finala.
Gipuzkoako Errendimendu Txapelketan Hernaniko pilotariek jokatzen zituzten bi kontsolazio finaletan ere ez genuen zorterik izan biak galduz.
Ostiralean Andoainen, Eneko Oiaga 1. mailako alebinak 8-7, 8-2 galdu zuen Soberonen (Lapke) aurka eta ostiralean Alegian Ekhi Galdos 2. mailako alebinak 8-5, 7-8, 3-4 galdu zuen Garmendiaren (Intxurre) aurka.
Behin Gipuzkoako errendimenduzko Txapelketa amaituta alebin eskuz banakako kategorian, Hernaniko Udalarekin eta ikastolen kolektiboarekin daukagun gure haserrea erakutsi nahi dugu, ez baitigute pilotari prebenjaminekin lan egiten uzten, Gipuzkoako ia herri guztietan inolako arazorik gabe lanean ari denean.
Gure klubeko 10 alebinek bi urteko aldea duten pilotarien aurka jokatu dituzte partida guztiak lehiaketan bere hasieran, eta lortutako emaitzak hor daude, bakarra sailkatu da azken fasea jokatzeko eta lehen partidan kanporatua izan da, eta beste bi alebin kontsolazio finala jokatzera iritsi dira, biak galduta.
Horrek, zoritxarrez, denboraldi amaiera guztietan eramaten gaitu haur askok pilota egiteari utzi izanaren drama bizitzera, lortutako emaitza txarrengatik, gure Udalak eta ikastolek eskola-kirolari buruz egiten duten legearen interpretazio zentzugabeagatik.
TXAPELKETA OFIZIALAK 2022-2023 |
|
|
|
|
ABENDUAK 25 | FRONTOIA | EGUNA | ORDUA |
ALEBINAK |
|
|
|
Ekhi Galdos 1 Intxurre 2 | Alegia | Ostirala | 21,00 |
Eneko Oiaga 0 Lapke 2 | Andoain | Ostirala | 19,40 |
INFANTILAK |
|
|
|
Ekhi Oses 0 Azkoitia 2 | Arrasate | Ostirala | 20,10 |
KADETEAK |
|
|
|
|
|
|
|
JUBENILAK |
|
|
|
|
|
|
|
NAGUSIAK |
|
|
|
|
|
TXAPELKETA OFIZIALAK TRINKETEAN 2022-2023 |
|
|
|
|
|
|
|
|
|
|
|
|
TXAPELKETA PRIBATUAK 2022-23 |
|
Aimar Zabala 3 Lodosa 18 | Lizarra | Larunbata | 11,00 |
Ekhi Oses 18 Markina 3 | Lizarra | Astelena | 10,30 |
Araitz Legarreta 10 Unax Mendiable 16 | Hernani | Larunbata | 11,00 |
Lier Zugasti 13 Amets Makatzaga 18 | Hernani | Larunbata | 11,30 |
Joseba Arretxe 18 Martin Alberdi 11 | Hernani | Larunbata | 12,00 |
Julen Deskarga 18 Xuban Iturbe 17 | Hernani | Larunbata | 12,30 |
|
|
|
|