C.D.Hernaniko pilotariek emaitza onak lortu dituzte asteburu honetan, une honetan jokatzen ari diren txapelketa ofizial eta pribatuetan.
18 garaipen eta 11 porrot zapore gazi-gozoko jardunaldiaren azken balantzea da, 3 partida oso garrantzitsu galdu baitziren.
GIPUZKOAKO BINAKAKO TXAPELKETA : Joseba Arretxe eta Manex Alberdi C.D.Hernaniko kadete bikoteak 22-9 galdu zuten Gonzalez - Beitiaren (Aretxabaleta) aurka Aretxabaletan jokatu zen probintzia mailako torneoko 3. mailako finalean.
Gure bikoteak ez zuen bere ohiko mailan jokatu, ez ta pilotalekuko baldintza zailetara egokitzen eta euren etxean jokatzen zuten pilotari batzuen aurka gutxiago izan ziren.
Galdu arren, gure pilotariak zoriondu behar ditugu egin duten txapelketa handiagatik, bertan partida guztiak irabazi baitituzte, finala izan ezik.
GIPUZKOAKO ERRENDIMENDU TXAPELKETA : Jardunaldi honetan hasi zen errendimenduko azken fasea probintziako torneoan eta C.D.Hernani taldeko 4 pilotariek, bi emaitza on izan zituzten eta bi txarrak.
Onena Ekhi Oses eta Oier Arsuaga infantil mailako jokalarien garaipenak, final-laurdenetarako sailkatu direnak.
Osesek 8-1, 8-2 irabazi die Valleri (Aretxabaleta) eta Arsuaga zailtasun gehiagorekin, baina baita Alberdiri (Txapagain) 8-7 eta 8-7 irabazi ere.
Txarrena Hegoi Zabala alebinaren eta Imanol Ormazabal infantilaren porrotak, txapelketatik kanpo geratu dira.
Zabalak ezer gutxi egin ahal izan zuen txapela irabazteko faboritoetako baten aurka, baina dena eman zuen azken tantoa bukatu arte, 8-6, 8-4 galdu zuen Garaialderen (Txapagain) aurka, eta Ormazabalek 2-1 galdu zuen Ansolaren (Ilunpe) aurka, bi pilotari handiren arteko partida batean, lehendabiziko jokoa 5-8 galdu zuen, bigarrena 8-7 irabazi eta hirugarrena 2-4 galdu.
