2022 abuztuko pilota berriak

 C.D.Hernaniko hiru pilotari sailkatu dira Donostiako Trinitate plazako frontoian jokatzen ari den Abuztuaren 31ko Torneoko finala jokatzeko. Modu bikainean, 21-22 denboraldiari amaiera emango diote. Finalak datorren asteazkenean jokatuko dira Donostiako Alde Zaharreko frontoian, 16,00etatik aurrera. Eguraldi txarra egiten badu, Loiola auzoko frontoian jokatuko dira.

Haurren kategorian, Ekhi Oses eta Oier Arsuaga, Perurena - Camino (Tolosa) bikotearen aurka arituko dira, iragarpenak oso berdinduta ikusten dan final batean.

Oses - Arsuagak, finalera iristeko, euren multzoko liderrak izan dira, Gaztañaga - Beroz (Gazteleku) 18-16 eta

Iraola - Otaegi (Behar Zana) 18-11 irabazita.
Senior mailan, Urruzolarekin (Pagazpe) jokatzen ari den Xabier Salaberriak , Larrañaga - Aranbururen (Lapke-Eple) aurka jokatuko dute,  pronostikoak oso berdinduak dauzkan bezte final batean.

Salaberria - Urruzolak finalera iristeko ere multzoko lider bezala geratu behar izan dira, 22-17 irabaziz

Ugalde III - Atxari (Oiarpe-Alde Zaharra) eta 22-17 Urmeneta - Ortiz de Urbinari (Eple-Hernani).

Primeran amaitu dute denboraldia C.D.Hernaniko pilotariek, atzo Donostiako Atano III.a pilotalekuan jokatu ziren Abuztuaren 31 Torneoko bi finaletan.

Haurren kategorian, Ekhi Osesek eta Oier Arsuagak 18-17 irabazi zioten Perurena-Caminori (Tolosa), azken tantoan erabaki zen partida parekatu eta zirraragarrian.

Senior mailan, Urruzolarekin (Pagazpe) jokatzen zuen Xabier Salaberriak 22-19 irabazi zion Larrañaga-Aranbururi (Lapke-Eple), hasieratik aurretik joan eta nekearen erruz azken zatian zaildu zen partidan.

Lortutako azken 2 txapel hauekin, C.D.Hernaniko pilotariek 21-22 denboraldiari agur esan diote, guztira 20 txapel irabaziz eta 30 final jokatuz.

Zorionak eta prestatu datorren denboraldia!!

2022ko IV PAPELERA ZIKUÑAGA TXAPELKETA

 Joan den larunbatean amaitu zen Zikuñaga Papelera Txapelketaren laugarren edizioa. Uztaileko ia egun guztietan jokatu da Hernaniko kiroldegiko frontoian, eta 6 kategoriatan jokatu duten 116 pilotarik parte hartu dute bertan. 19 pilotari C.D.Hernaniko kide ziren.

Hauek izan ziren jokatutako 6 finalen emaitzak :

1. mailako kadeteak : Cestau - Segurola (gazteleku) 18 Iturbe - Legarreta (hernani) 8
2. mailako kadeteak : Ormaetxea - Alberdi (bergara) 18 Etxeberria - Hebia (oiarpe) 9
1. mailako gazteak : Gorostidi - Plazaola (zazpi iturri) 18 Zabaleta - Aranburu (oiarpe) 11
2. mailako gazteak : Iraeta - Balerdi (tolosa-zazpi iturri) 18 Etxegarai - Mujika (aloña mendi-zazpi iturri) 5
1. Mailako nagusiak : Armendariz - Azkarraga (irurtzun-lapke) 18 Urmeneta - Ortiz de Urbina (eple-hernani) 3
2. mailako nagusiak : Oiarbide - Lasa (intxurre-hernani) 18 Ezenarro - Mitxelena (tolosa-eple) 11

C.D.Hernaniko pilotariek jokatzen zuten 3 finaletan emaitza oso ezberdinak izan genituen, karezko bat eta hondarrezko bi.
Emaitzarik onena Mikel Lasa seniorrak lortu zuen, Julen Oiarbiderekin batera, Ezenarro - Mitxelenari 18-11 irabazita, Lasak ondo jokatu zuen partida batean, baina protagonismoa Oiarbidek eraman zuen tokian, bere aurkaria baino askoz gehiago izan zen koadro alaietan eta partidako aldea markatu zuen.
Emaitza txarrenak Xuban Iturbe eta Ohian Legarreta kadeteek eta Xabier Ortiz de Urbina seniorraren eskutik etorri ziren, baina bi porrotak oso ezberdinak izan ziren.
Iturbe - Legarreta kadeteek 18-8 galdu zuten Cestau - Segurolaren aurka baina Hernaniko bikoteak ondo jokatu zuen, partida erdira arte berdinduak jun ziren eta hortik aurrera Gaztelekuko bikotea nagusi izan zen bere jokoa potentzian oinarrituz eta finala dena eman zuten aurkari batzuen aurka irabazi zuten.
Ezin da gauza bera esan Xabier Ortiz de Urbina seniorraz, Iker Urmenetarekin batera 18-3 galdu zuten Armendariz - Azkarragaren aurka, C.D.Hernaniko atzelariak ahazteko moduko eguna izan zuen, urduritasunak jota pilota gehiegi huts egin zuen, egoeraz jabetu ziren eta atzeko koadroei gupidarik gabe eraso zieten arerioen aurka. Urmenetak ere ez zuen bere maila eman eta jokatzen ari zen gehiegizko partiden nekea nabaritu zuen.