C.D.Hernaniko pilotarien jardunaldi ona asteburu honetan, une honetan jokatzen ari diren txapelketa ofizial eta pribatuetan, 16 garaipen eta 11 porrot, beste txapel bat irabazi duen jardunaldi baten azken balantzea da.
Jardunaldiko onena Jon Jara 22 urtez azpikoak lortu du, Bikandi (Iurreta) lagun zuela, Abadiñoko Tornosolo trinketean jokatu den San Blas Txapelketako finala irabaztea lortu du, 40-21 irabazi zioten Arroitajauregi - Cimadevilla (Bizkaia) bikoteari, irabazleak oso ondo jokatu zuten eta gehiago izan ziran partida hasieratik.
C.D.Hernani taldeko pilotariek denboraldi honetan irabazten duten bosgarren txapela da hau.
Gipuzkoako Errendimenduko Txapelketan Hernandez - Azpeitia II alebinak, Udaberri Torneoan Pascual - Zabala kadeteak eta Gipuzkoako trinkete Txapelketan Unax Manterola jubenilak eta Iñigo Labaka seniorrak lortutako garaipenak ere garrantzitsuak dira, denak partidarik galdu gabe jarraitzen dute.
Jardunaldiko gauzarik txarrena Apaolaza - Etxarri 22 urtez azpikoen porrota izan zen Euskal Ligan, 22-19 galdu zuten
Amiano - Albenizen aurka (Tolosa) eta finalerdietarako sailkatzeko ia aukerarik gabe geratu ziren. Hernaniar bikoteak partida ona jokatu zuen, baina ez zen nahikoa izan irabazteko eta orain itxaron egin beharko dute euren esku ez dauden hirugarren partidetako emaitzak bere alde eroritzen diran.
Halaber, txarrak izan dira Galdos - A.Barrenetxea alebinek Gipuzkoako Errendimendu Txapelketan eta Urkizu - Ortiz de Urbina eta Salaberria - Labaka seniorrek Udaberri Torneoan lortutako porrotak. Hiru bikoteek ezin izan dute txapelketan partidarik galdu gabe jarraitu, baina azken fasean sartzeko aukerekin jarraitzen dute.
No hay comentarios:
Publicar un comentario