Irailak 19-21 asteburuko partiduen emaitzak

GIPUZKOAKO TXAPELKETA:

Kadeteak 3. maila, eskuz binaka: Rekondo – Insausti 17 / Azkoitia 22

Kadeteak 2. maila, eskuz binaka: Arizmendi – Arizmendi 22 / Alde Zaharra 4

Gazteak 2. maila, eskuz binaka: Pagola – Urruzola 22 / Eple 8

Seniorrak 3. maila, eskuz binaka: Zurutuza – Arizkorreta 22 / Eibar 19

Seniorrak 2. maila, eskuz binaka: Altuna anaiak 13 / Azkoitia 22

Seniorrak 1. maila, eskuz binaka: Tartaloetxe 22 / Urkizu – Lizeaga 7

Seniorrak elite maila, eskuz binaka: Aurrera Saiaz 13 / Ojuel – Aizpitarte 22

Seniorrak 1. maila, buruz-buru: Gazteleku 18 / Ioritz San Sebastian 22

Aste buru ona gauzatu dute Hernaniko pilotariek txapelketa probintzialeko 1. jardunaldian, bost garaipen eskuratu eta hiru partidu galduta.

Aipatzekoak 2. mailako kadeteetan Arizmendi – Arizmendik, 1. mailako seniorretan Ioritz San Sebastianek eta elite mailako seniorretan Ojuel – Azpitartek lortutako garaipenak. Ederki ekin diote txapelketari hiru talde horiek, nork bere mailan sailkapen on bat lortuko dutenaren itxaropena indartuz.

Jardunaldiko emaitza txarrenak, seniorretan, 1. mailako Urkizu – Lizeagarenak eta 2. mailako Altuna anaienak. Hemen ere, aurreikuspenak baieztatu dira eta, nahiago genuke erratuko bagina, baina maila ez galtzeko borrokatu beharko dute bi talde horiek.

Irailak 19-21 asteburuko partiduak

GIPUZKOAKO TXAPELKETA:

Aste buru honetan hasiko da denboraldiko lehendabiziko txapelketa ofiziala. Ezker paretako lehiaketarekin abiatuko da eta C. D. Hernanik 10 talderekin hartuko du parte hiru mailatan eta bi modalitatetan.

Kadeteetan, eskuz binaka jokatuko dugu, zortzi pilotari arituko dira hiru mailatan banatuta. Helburuak honako hauek izango dira: ahal den sailkapen onena lortzea 1. mailan, lehenengo postuetarako lehian sartzea 2. mailan eta, azkenik, lehiatzen ikastea 3. mailan.

Gazteen mailan ere eskuz binaka jokatuko dute gure pilotariek. Lau izango dira eta bi mailatan arituko dira. Lehenengo mailakoek Euskal Ligarako sailkatzea izango dute helburu eta bigarren mailakoak ahalik eta sailkapen onena lortzen saiatuko dira.

Seniorrak, aldiz, eskuz binaka eta banaka jokatuko dute. Guztira hamalau pilotari lehiatuko dira lau mailatan. Eskuz binaka, elite mailakoak lehenengo postuetako borrokan sartu nahi dute. Lehenengo eta bigarren mailakoak nor bere mailari eustea dute helburu eta hirugarren mailakoak, ahalik eta lanik txukunena eginez, sailkapenik onena lortzen saiatuko dira.

Eskuz banaka txapelketa maila bakarrean jokatuko da eta helburua Euskal Ligarako sailkatzea izango da.

Blog-aren itzulera!!! (2014-ko Irailak 15)

C. D. HERNANIKO ESKU PILOTA ATALEKO BLOGA:

Azken bi urtetan hainbat arazo teknikorengatik bloga geldirik eduki eta gero, denboraldi berri honetan ostera martxan jarriko dugula aurreratu nahi diegu gure jarraitzaile guztiei, gure pilotariei buruzko albiste guztiak xuxen-xuxen jaso ahal izan dezaten.

JOSETXO ETXANDI TXAPELKETA:

Paul Ojuel eta Aitor Gorrotxategi pilotari hernaniarrek irabazi dute Lezon jokatzen den txapelketa entzutetsu hau. Euskal federakuntzaren zirkuituko txapelketa da. Bikote hernaniarrak Cabrerizo eta Lasa  gainditu zituzten final laurdenetan, Azpiri eta Galarza final erdietan eta azkenik, Urbieta II eta Telletxea finalean.

Lau pilotariak ondo jokatuz hasi ziren eta oso partidu orekatua izan zen 11garren tantua arte. Gorrotxategi Telletxea baino seguruago ari zen. Urbieta, ordea, Ojuel baino gehiago asmatzen ari zen errematean. Hortik aurrera, bikote hernaniarrak joku erritmo biziagoa ezarri zion partiduari eta Telletxeak nekea nabaritzen hasi zen. Gorotxategi atzean nagusitu zen orduan eta Ojuelek aurrean tantuak bukatuz, 18 eta 11 jarri ziren aurretik. Aurkarien pilota aldaketak eta hernaniarren huts batzuek bitarteko, markagailua 20 eta 18 estutzea lortu zuten Urbieta eta Telletxeak. Ojuel eta Gorrotxategik ez zuten etsi eta bukaera aldeko tentsio desatsegineko tanturen bat gora behera, 22 eta 18ko emaitzaz irabazi zuten.

Honako hau, pilotari hernaniarrek denboraldi hasi berri honetan irabazi duten 7garren txapela izan da.

DONOSTIAKO EUSKAL JAIETAKO TXAPELKETA:

Mikel Lasa eta Jagoba Garmendia pilotari hernaniarrak Donostiako Alde Zaharrean jokatu den txapelketa honetako alebinetako finalean aritu ziren, baina ez zuten irabazterik izan. Pilotari hernaniarrek Ugalde ata Galdos, Oinatiko bikoteari irabazi zioten final laurdenetan eta Urruzola eta Irazu, Gazteleku taldeko bikoteari final erdietan. Finala, Añorgako Albeniz eta Etxezarretaren aurka galdu zuten. Bikote aurkaria fisikoki indartsuagoa izaki, finalak ez zuen kolorerik izan. Hernaniarrak bere ohiko mailan ibili baziren ere, ez zen nahikoa izan konpromisu zail hau aurrera ateratzeko.

Denboraldi honetan pilotari hernaniarrek jokatu duten 13garren finala izan da hau.

Ekainak 15-17 asteburuko partiduak

HERRI ARTEKO TXAPELKETA: Hernaniko pilotariek 20:30 jokatuko dute ostiral honetan Elgoibarren final laurdenetako etorriko kanporaketa, 3-0 markagailua eta 39 tantuko abantaila defendatu beharko dutelarik.

Kadeteetan oraindik ez da berreskuratu Suharri Rodriguez eta berriz jokatuko dute Iker Loiarte eta Hodei Noblek, ezer arraroa ez bada gertatzen kanporaketa bertan amaitu beharko lukete.
Jubeniletan baliteke Josu Oiaga entrenatzaileak aldaketaren bat egin eta Jon Etxegoien ateratzea, hala ez bada Iñigo Urkizu eta Aritz Murgiondo arituko dira. Elgoibarko atzelariak eskuetatik nola amaitu zuen kontutan izanik, garaipena gure esku egon liteke berriro.
Nagusietan bi aldaketa egongo dira, berriro jokatuko du Ioritz Arrietak bere ohiko errotazioa eginez Ojuel-ekin eta atzelari gisa Eneko Aizpitartek debutatuko du txapelketan, Gorrotxategi eta Lizeaga eskuetatik juxtu xamar dabiltza eta. Elgoibarkoek euren bikote titularra aurkezten badute partidu berdindu bat ikusi dezakegu, ordezkoek jokatzen badute litekeena da partida guztietan garaipena lortzea.

E.H.ko TXAPELKETA TRINKETEAN: Hernaniko 6 pilotari klasifikatu dira asteburu honetan txapelketa ofizial honetako finalerdiak jokatzeko.

Palaz neska nagusietan, Hernaniko bi bikoteek elkarren aurka jokatuko dute, larunbatean 9:00etan Donostiko Gaska trinketean Garbiñe Tijero - Goiatz Mazisidor eta Eneritz Perez - Irati Ugalde lehiatuko dira, lehen bikotea faborito izango delarik beren esperientzia dela eta.
Palaz neska jubeniletan, Hernani 2 taldeak Santa Lucia-ren aurka jokatuko du. Partidua Igandeko 12:00tan jokatuko da Irungo Arteleku trinketean. Garbiñe Tijero entrenatzaileak oraindik ez du erabaki zein pilotarik hartuko duen parte, baino jokatzen duenak jokatzen duela ere Hernani faborito izango da Gasteizko bikotearen aurrean. Sailkapen fasean 2 partidu jokatu dituzte eta biak ere era erosoan irabazi dituzte.

HERNANIKO TXAPELKETA: 7 asteburuko partehartze sutsuen ondoren, igande honetan 11:00etan jokatuko dira pelota eskolako finalak. Txapelketa honetan 56 haurrek hartu dute parte eskuz eta 22 neskek palaz. Hauek dira jokatuko diren finalak:

Pala gomaz benjaminak : Etxeberria - ETxeberria / Tolosa - Urdangarin
Pala gomaz alebinak : Tolosa - Tejedor / Azkue - Encinas
Pala gomaz infantilak : Ugalde - Mujika / Cabrera - Irigoien
Eskuz benjaminak 2. : Burugain - Urbistondo / Garmendia - Ruiz
Eskuz benjaminak 1. : Uitzi - Tejedor / Garmendia - Oiartzabal
Eskuz alebinak 2. : Blanco - Ezeiza II / Urretabizkaia - Aristimuño
Eskuz alebinak 1. : Gorostidi - Arizmendi / Elorza - Apaolaza

Jarraian txapela eta sariak emango dira.

GAINERAKO PARTIDUAK: Hauek dira gainerako partiduak asteburu honetan:

Eskuz infantilak : Agirre - Urruzola / Urnieta , larunbata 15,00 (1) Hernani
Eskuz kadeteak : Intxurre / Ekaitz Cisneros , ostirala 19,30 (1) Ikaztegieta
Eskuz jubenilak : Josu Altuna / Usurbil , larunbata 15,00 (2) Hernani

Ekainak 8-10 asteburuko partiduen emaitzak

HERRI ARTEKO TXAPELKETA: Hernaniko pilotariek 3-0 irabazi zuten Elgoibarkoen aurka eta pausu haundi bat eman zuten txapelketa honetako final laurdenetako kanporaketa igarotzeko. Aurkarien aldetik zailtasun haundiagoak emango zituztela espero zen, batez ere azken bi partiduetan, baina pilotari hernaniarren joko ona eta Elgoibarko pilotari titular batzuen bajak zirela eta, Hernanik oin terdi finalerdietan sartu du.

Kadeteetan Iker Loiarte - Hodei Noble bikoteak 22-1 garaitu zuten Idigoras - Loidi bikotea. Loiarte infantilaren debuta izan zen txapelketa honetan, erraztasun haundiz jokatuz eta sakearen bitartez min haundia egiten zuelarik. Nobleren eskutik laguntza ona jaso zuen, honek oraingo honetan atzelari moduan jokatu zuelarik. Bikote hernaniarrak erraztasun haundiz irabazi zuen maila baxuagoko bikote baten aurka.
Jubeniletan Iñigo Urkizu - Aritz Murgiondo pilotariek 22-14 garaitu zuten Conde - Txurruka II bikotea. Partidua berdindua joan zen erdialderarte gutxigorabehera. Murgiondok egunetik egunera hobeto jokatuz doala ordea, piloteoan argi eta garbi nagusitu zen eta Urkizuk tantoei bukaera ipini zien. Bikote aurkari oso seguru baten aurka aritu ziren, tantu guztiak borrokatzen zituena, baina partidua aldatu egin zen Txurruka II pilotariari eskubiko eskua izorratu zitzaionean. Elgoibarko entrenatzaileak lekuz aldatu zituen bere pilotariak, baina alperrikako saiakera izan zen, hernaniarrek ondo jokatzen jarraitu baitzuten eta erraztasunez irabazi zuten partidua azkenean.
Nagusietan Ojuel - Markel Lizeagak 22-11 garaitu zituzten Agirrezabala - Txurruka, Elgoibarko bikote titularrak ezin izan zuen jokatu arrazoi ezberdinengatik eta ordezkoek gutxi egin ahal izan zuten hernaniarrek jokatutako partidu onaren aurrean. Lizeaga denboraldiko momentu onenean aurkitzen delarik, piloteoan nagusitu zen bere 2 esku onekin ia pilotarik galdu ere egin gabe. Ikuskizuna Ojuelek eman zuen, sakearekin min haundia eginez eta agertu zen ikuslego ugariari era guztietako jokaldi eta erremateak eskaini zizkion.

GAINERAKO EMAITZAK: Hauek izan dira asteburu honetako partiduen emaitzak:

Eskuz alebinak:
Zestoa 16 Gorrotxategi - Elorza 9
Rekondo - Arizmendi 10 Intza 16
Alde Zaharra 16 Iturrioz - Insausti 14

Eskuz infantilak:
Gazteleku 6 Agirre - Urruzola 18

Eskuz kadeteak:
Intxurre 19 Ekaitz Cisneros 22

Eskuz jubenilak:
Josu Altuna 22 Alde Zaharra 5
Jon Leonet 22 Usurbil 12

Eskuz nagusiak trinketean:
Eñaut Esnaola 32 Tornosolo 40

Erdipurdiko jardunaldia pilotari hernaniarrena 4 garaipen eta 4 porrotekin. Hoberena Agirre - Urruzola infantilen, Cisneros kadetearen eta Altuna eta Leonet jubenilen garaipenak izan dira, guztiak ere zonaldeko finalerdiak jokatzeko sailkatu baitira.
Okerrena trinketean Esnaola nagusiak jasandako porrota, nahiz eta partidu on bat jokatu, Gandiaga bizkaitarraren aurka galdu egin zuen eta ezin izan zuen E.H.ko finalerdiak jokatzeko sailkatu. Pena da hernaniarrak elitean jokatzeko erabateko pausua ez ematea, baldintzak etzaizkio falta baina ez du guztiz ematen. Ia datorren urtean saltoa eman eta emaitzak lagun dituen.

Ekainak 8-10 asteburuko partiduak

HERRI ARTEKO TXAPELKETA: Larunbatean 18:00tan polikiroldegiko frontoiean jokatuko da denboraldiko txapelketa ospetsuenaren final laurdenetako joaneko kanporaketa. Hernani eta Elgoibarko pilotariak izango dira protagonista, kadeteetan Hernanik duen nagusitasunagatik faboritoago izango delarik.

Kadeteetan Iker Loiarte - Hodei Noble bikoteak jokatuko du, azken hau dauzkan minetatik berreskuratuko balitz, bestela Suharri Rodriguez-ek jokatuko luke bere ordez. Aurkariak Loidi - Idigoras izango dira eta hasiera batean, hernaniarrek euren maila eman ezkero, partidua irabazi egin beharko lukete.
Jubeniletan Iñigo Urkizu - Aritz Murgiondo arituko dira, eta aurkariak Conde - Txurruka izango dituzte, hasiera batean partidu berdindua espero da, baina bikote hernaniarrak eman dezakeen guztiarekin jokatzen badu poztasun haundi bat eman diezaguke.
Nagusietan Paul Ojuel - Markel Lizeaga arituko dira Arribilaga - Txurruka bikotearen aurka, hemen ere partida berdindua espero da, baina bikoteak beren ohiko maila ematen badute, kanporaketa Hernanin bertan erabaki daiteke.

Azkenik, hernaniar zale guztioi deia zabaltzen dizuegu etxeko pilotariei animatzera etor zaitezten. Gainera aukera ezin hobea dago, atsegindegin bazkaria eta garagardoa edukirik azokan eta ondoan frontoia bazkalondoren joateko.

E.Hko TXAPELKETA TRINKETEAN: Asteburu honetan jokatuko da txapelketa honetako azken jardunaldia, hainbat bikote hernaniarrek dauka finalerdietara sailkatzeko aukera:

Palaz neska jubenilak : Kurene - Hernani 1, larunbata 10,00 (1) Abadiano, bikote hernaniarrak irabazi ezkero finala jokatzeko sailkatuko da
Palaz neska jubenilak : Hernani 2 - Santa Luzia, larunbata 16,00 (1) Gaska
Palaz neska nagusiak : Tornosolo - Hernani 1, larunbata  10,00 (2) Abadiño, bikote hernaniarrak irabazi ezkero finalerdiak jokatzeko sailkatuko da
Palaz neska nagusiak : Errekaleor - Hernani 2, larunbata 12,30 (2) Gasteiz, bikote hernaniarrak irabazi ezkero finalerdiak jokatzeko sailkatuko da
Eskuz banaka nagusiak : Eñaut Esnaola - Tornosolo, larunbata 16,00 (2) Gaska, Esnaolak irabazi ezkero finalerdiak jokatzeko sailkatuko da

Ekainak 1-3 asteburuko partiduen emaitzak

HERRI ARTEKO TXAPELKETA : Hernanik berriz irabazi zituen Arrasateren aurkako 3 partiduak final zortzirenetako kanporaketan. Lehen 2 partiduak berdinduak izan ziren eta azkena erraz irabazi zen.

Kadeteetan Hodei Noble - Suharri Rodriguez bikoteak 22-20 garaitu zuen Garate - Egia bikotea. Partidu oso berdindua izan zen, Arrasatearrak piloteoa dominatzen zuten eta Rodriguez atzelariaren defentsa ona kontutan izanik ere, beti aurretik joan ziren markagailuan. Baina partiduko azken unean, Noble partiduko protagonista bihurtu zen, bikotearen erantzunkizuna hartu zuen eta pilota biziago bat aterata buelta eman zion partiduari sakearen bitartez min eginez eta pilotari abiadura haundia emanez.
Jubeniletan, eta jadanik kanporaketa erabakia zegoelarik, Iñigo Urkizu - Aritz Murgiondo bikoteak 22-18 garaitu zuen Prieto - Arregi bikotea. Arrasatearrak, joaneko partiduan ez bezela, oso ondo aritu ziren eta komeritan jarri zituzten Hernaniarrak, hauek erlajatuegi jokatu zutelarik. Partidua berdindua izan zen eta bukaera aldera Murgiondo atzelariak piloteoan lortutako domeinua eta Urkizu aurrelariaren erremate onek eman zioten garaipena Hernaniri.
Nagusietan Ioritz Arrieta - Markel Lizeaga aritu ziren, joaneko partiduan jokatu ez zutenak, eta 22-8 garaitu zuten Zuazua - Bolinaga bikotea. Hernaniarrak askoz gehiago izan ziren hasieratik, Lizeaga atzelariak oso ondo eusten zion tantua Bolinagari, 22 azpiko atzelaririk hoberenetako bat dela kontutan izanik. Arrieta aurrelariak markatu zuen ezberdintasuna partiduan, bere 2 eskuek duten boterea erabiliz partidua dominatu zuen, eta pilotari ematen zion abiaduraren bitartez ez bazen, era guztietako erremate eta jokaldien bitartez amaitzen zituen tantuak.

Hurrengo kanporaketa Elgoibar-en aurka jokatuko da, arerio zaila jubenil eta nagusi mailetan pilotari onak dituena. Final laurdenetako kanporaketan joaneko partidua Hernanin jokatuko da aste honetan, oraindik eguna ez dago zehaztua.

IRURTZUNgo TXAPELKETA : Astigarragako Harri Loidi pilotaria eta Eneko Aizpitarte Hernaniarrak 22-12 garaitu zuen Barandiaran - Sanchez bikotea txapelketa honetako 22 azpiko finalean. Loidi - Aizpitarte gehiago izan ziren hasieratik eta aurkarien egun txarraz aprobetxatu ziren, pilota asko galdu zutelarik. Atzelari Hernaniarrak pilota asko arrimatu zuen piloteoan ia akatsik egin gabe eta Loidi aurrelariaren botereak gainerakoa egin zuen. Hauxe Hernaniko pilotariek denboraldi honetan irabazten duten 20. txapelketa da.

GAINERAKO EMAITZAK :

Eskuz infantilak :
Hondarribia 10 Agirre - Urruzola 18
Hondarribia 18 Elizalde - Iglesias 10
Pagola - Loiarte 11 Azkoitia 18

Eskuz nagusiak :
Jon Etxegoien 9 Eskoriatza 22
Antiguako 22 Julen Etxenike 8
Txumulutxueta 34 Eñaut Esnaola 40

Ahazteko jardunaldia pilotari hernaniarrentzako 2 garaipen eta 4 porrotekin. Esnaola nagusiaren garaipen garrantzitsua trinketean E.H.-ko txapelketan, hurrengo astean irabazten badu, finalerdiak jokatuko ditu. Bestalde, tamalgarria Pagola - Loiarte infantilen porrota Udaberri txapelketako final zortzirenetan, ez zuten zorte haundirik eduki eta txapela irabazteko faborito den bikote baten aurka galtzea tokatu zitzaien.