Emaitza onak lortu dituzte C.D.Hernaniko pilotariek, asteburu honetan 3 txapelketa ofizial eta pribatu ezberdinetan jokatu dituzten
4 finaletan.
Gipuzkoako Trinkete Txapelketan, Unax Manterola gazteak 35-12 irabazi zion Urdanpilletari (Intza). Pilotari hernaniarrak pilotan aritzeko dituen bertute guztiak atera zituen eta erraz irabazi zion aurrean zuen joko erakustaldi horren aurrean ezer gutxi egin ahal izan zuen aurkariari.
Txapelketa ofizial berean, Iñigo Labaka seniorrak 40-26 irabazi zion 2º mailako finala Sorondori (Alde Zaharra). C.D.Hernaniko pilotariak beste partida gogor bat jokatu zuen bezperan, baina ondo suspertu zen, eta bere beterania erabiliz irabazi zion txapelketa ona jokatu duen eta modalitate honetan debutatu duen aurkariari.
Ekhi Oses infantilak txapelketa pribatuetako bi final jokatu zituen 4,5eko modalitatean eta emaitza ezberdinak lortu zituen.
Zizurko Txapelketan 16-9 galdu zuen Etxanizen aurka (Azkoitia), mailako bi pilotari onenak jokatzen zuten, baina hernaniarrak ezker eskua kotoi artean zuela jokatu zuen eta ezer gutxi egin ahal izan zuen pilotan asko jokatzen duen aurkari baten aurka.
Lizarrako Txapelketan 18-10 irabazi zion Otaegiri (Behar Zana), ezker eskuaren egoera ikusita, hernaniarrak ofiziozko jokua egin zuen, ikusita bere aurkaria atzelaria zela eta koadro alaietan jokatzen ohituta ez zegoela aprobetxatuz, jokoa zona horretara eramaten asmatu zuen eta txapelketa honetako txapela bigarren urtez jarraian irabazteko aukera izan zuen.
Aste honetan lortutako hiru garaipen hauekin, C.D.Hernani taldeko pilotariek 8 txapel irabazi dituzte denboraldi honetan orain arte jokatu dituzten 12 finaletan.
C.D.Hernaniko pilotarien emaitza onak asteburu honetan, une honetan jokatzen ari diren txapelketa ofizial eta pribatuetan, 12 garaipen eta 6 porrot dira jardunaldiaren azken balantzea, hauek dira emaitza garrantzitsuenak, finalak kontuan hartu gabe :
Gipuzkoako errendimendu-txapelketan, 3 bikote sailkatu dira azken fasea jokatzeko.
2. mailako alebinetan Xuhar Hernandezek eta Aieko Azpeitiak 6 partida irabazi dituzte eta bakarra galdu sailkapen fasean eta datorren astean final-laurdenak jokatuko dituzte.
Bigarren mailako haur mailan, Aratz Labakak eta Lier Zugastik 6 partida irabazi eta bakarra galdu dute sailkapen fasean eta datorren astean final-laurdenak jokatuko dituzte.
Lehen mailako haur mailan, Imanol Ormazabalek, Oier Arsuagak eta Ekhi Osesek 6 partida irabazi dituzte eta 2 galdu. Finalerdiak 15 egun barru jokatuko dituzte.
Udaberria Torneoan bikote bakarra sailkatu da finalerdietarako, Unax Manterola eta Oier Azpeitia jubenilek 6 partida irabazi eta 2 galdu dituzte sailkapen fasean eta 15 egun barru finalerdiak jokatuko dituzte.
No hay comentarios:
Publicar un comentario