2022ko ekainaren 17-19ko emaitzak

 Asteburu honetan C.D.Hernaniko pilotarien jardunaldi erregularra izan da, une honetan jokatzen ari diren txapelketa ofizial eta pribatuetan, 8 garaipen eta 9 porrot izan da, porrot mingarriak izan dituen jardunaldiaren azken balantzea.

Emaitza txarrena Herriarteko txapelketaren kanporaketa izan da, Hernaniko pilotariek ezin izan zuten joaneko finalerdiko emaitza errepikatu eta 2-1 galdu zuten Oiartzunen aurka, kanporaketako emaitza orokorra 3-3koa da, baina finala Oiartzungoek jokatuko dute tanteo hobearekin bukatu dutelako.

Xuban Iturbe eta Oier Azpeitia kadeteek 22-0 galdu zuten, Jon Jara eta Unai Etxarri jubenilek galdu 22-14 eta Xabier Salaberria eta Markel Lizeaga seniorrek irabazi 22-11.

Hernaniko pilotariak zoriondu behar ditugu egin duten txapelketa onagatik, urteak pasa ditugu finalera iristeko zorian  egon gabe eta azken 15 egunetan ikusi dugun giro eta zaletuen mobilizazioagatik bakarrik, itxaronaldiak merezi izan du.

Txarra bai ta ere Goizuetako Umore Ona torneoko finalean Joseba Arretxek eta Oinatz Gaskon infantilak egin zuten emaitza, 18-3 galdu zuten Martinez - Alkortaren aurka (Leitza). Galdu arren, C.D.Hernaniko bikotea zoriondu behar da jokatu duten txapelketa bikainagatik, maila hontan ezustekoa eman dute eta finalean galtzeak ez du egindako lan ona zapuzten.

Emaitzarik onenak 4,5eko Gipuzkoako Txapelketan, Urretxuko San Juan torneoan eta Usurbilgo torneoan final erditan lortutako garaipenak.

Paul Ojuel seniorrak 22-13 irabazi dio Orbegozori (Orio) eta Matxinandiarenaren (Tartaloetxe) aurka jokatuko du Gipuzkoako Txapelketako finala datorren asteburuan.

Markel Lizeaga seniorrak eta Aitor Mendizabal (Soraluze) profesional ohiak 22-12 irabazi zioten Oskoz - Ugartemendiari eta Urretxuko San Juan torneoko finala jokatuko dute Mata-Elizegiren aurka, datorren larunbatean.

Ekhi Oses infantilak eta Errastik (Pagazpe) 18-15 irabazi zioten Gaztañaga - Berozi (Gazteleku) eta Usurbilgo torneoko finala jokatuko dute, uztailaren 3an, oraindik erabaki gabe dagoen bikote baten aurka.

TXAPELKETA OFIZIALAK 2021-2022
EKAINAK 19	FRONTOIA	EGUNA	ORDUA
ALEBINAK
INFANTILAK
KADETEAK
Oiartzun 22 Iturbe – Azpeitia 0	Oiartzun	Igandea	17,00
Markel Urdangarin 22 Mundarro 17	Hernani	Osteguna	17,00
JUBENILAK
Oiartzun 22 Jara – Etxarri 14	Oiartzun	Igandea	17,00
NAGUSIAK
Oiartzun 11 Salaberria – Lizeaga 22	Oiartzun	Igandea	17,00
Iñigo Labaka 22 Alde Zaharra 16	Hernani	Ostirala	21,30
Oiarpe 22 Josu Altuna 10	Oiartzun	Osteguna	20,30
Paul Ojuel 22 Orio 13	Hernani	Ostirala	21,00
TXAPELKETA OFIZIALAK TRINKETEAN 2021-2022
TXAPELKETA PRIBATUAK 2021-22
Arretxe – Gaskon 3 Aurrera Leitza 18	Goizueta	Ostirala	18,00
Aranburu – Josu Altuna 8 Zestoa 22	Villabona	Asteartea	19,30
Iñigo Urkizu – Iñigo Labaka 20 Torre – Peñalver 22	Villabona	Osteguna	19,00
Aburuza – Xabier Ortiz Urbina 15 Alde Zaharra 22	Villabona	Ostirala	19,00
Apaolaza – Oiartzabal 4 Lapke 22	Getaria	Asteazkena	19,30
Ekhi Oses – Errasti 18 Andoain 15	Usurbil	Igandea	12,00
Ekaitz Cisneros – Pascual 12 Nafarren Etxea 22	Alde Zaharra	Larunbata	17,00
Paul Ojuel – Alonso 22 Tirado – Lazkoz 10	Alde Zaharra	Larunbata	17,30
Otxoa – Iñigo Labaka 22 Lizaso – Urruzola 21	Alde Zaharra	Larunbata	18,00
MEndizabal – Lizeaga 22 Oskoz – Ugartemendia 12	Urretxu	Osteguna	20,00