Asteburu honetan, C.D.Hernaniko pilotarien jardunaldi oso ona izan da, une honetan jokatzen ari diren txapelketa ofizial eta pribatuetan, guztira 11 garaipen eta 9 porroteko emaitza lortzeaz gain, bi hitzordu garrantzitsuenak irabaztea lortu zen.
HERRI ARTEKO TXAPELKETA : Ostiralean pilotalekua jendez lepo eta harmailetan giro bikaina zegoela, Hernaniko pilotariek ezustekoa eman zuten Oiartzungo faborito nagusiari 2-1 irabaziz eta ahazteko egun zail baten protagonistak izan ziren.
Kadeteetan Xuban Iturbek eta Ohian Azpeitiak 22-5 galdu zuten Etxeberria - Leoneten aurka, maila honetan partida guztiak irabazi dituen maila handiko bikotea.
Jubeniletan Jon Jarak eta Unai Etxarrik ezustekoa eman zuten Zabaleta - Olaizen aurka 22-17 irabaziz partida bikaina jokatuz eta hor ere zorteak irribarre egin ziela esan behar da, 15-10 galtzen junda aurkariaren atzelariari eskuak hondatu zitzaizkion eta une horretatik aurrera bikote hernaniarrak partida gogortu zuten eta sufritzen jakinda, aurrera atera zuten.
Seniorretan Xabier Apaolazak eta Markel Lizeagak pronostikoak bete zituzten, 22-14 irabaziz Ugalde III - Zalakaini, partida erdira arte asko zaildu zen partida, jokoan jartzen ziren piloten aldeagatik, zorionez bikote hernaniarraren bigarren zati handi batek garaipena eman zien
Datorren igandean Oiartzunen jokatuko da itzulerako kanporaketa eta esan beharra dago Hernaniko pilotariek egin duten gauza bakarra kanporaketa bizirik mantentzea dela, Oiartzungoek faborito izaten jarraitzen dutelako eta ezinbestekoa dela ahalik eta zale gehienen laguntza eta animoa kanporaketa hau aurrera atera nahi badugu. Igandean zale guztiak Oiartzunera.
BIHARKO IZARRAK TXAPELKETA : Hodei Exposito C.D.Hernaniko pilotariak irabazi ditu txapelketa entzutetsu honetako txapelak Martxel Iztuetaren (Tolosa) laguntzarekin, 22-7 irabazita Igoa - Morgaetxeberriari (hemendik gutxira profesionaletan debuta egingo duen pilotaria) Exposito -Iztueta jaun eta jabe izan ziren partida osoan zehar, Iztueta gazteak bere aurkaria menderatu zuen ziurtasun handiz jokatuz eta Exposito izan zen partidako protagonista bere erremate eta era guztietako jokaldiekin. Antolatzaileek finaleko pilotari onenaren garaikurra eman zioten.
Txapela honekin, denboraldi honetan 14º txapela lortu dute C.D.Hernaniko pilotariek.
No hay comentarios:
Publicar un comentario