C-D-Hernaniko pilotarien emaitza onak aste honetan, une honetan jokatzen ari diren txapelketa ofizial eta pribatuetan, 6 garaipen eta 4 porrot dira jardunaldiaren azken balantzea. Hauek izan dira emaitzarik garrantzitsuenak :
USURBILGO TXAPELKETA : Ekhi Oses haur mailako pilotariak, Errastirekin batera (Pagazpe), txapelketa pribatu honetako txapelak irabazi dituzte, igandean Usurbilen jokatutako finalean, 18-15 irabazi zioten Aldazabal-Segurolari (Azkoitia). Oso final parekatua izan zen 9. tantora arte. Hortik aurrera Oses eta Errasti finaleko presiotik askatu ziren, aurretik jarri ziren markagailuan, eta oso modu adimentsuan jokatuz amaitu zuten finala.
Hau da C.D.Hernaniko pilotariek denboraldi honetan irabazten duten 16. txapela.
PILOTAREN TXOKOA TXAPELKETA : C.D.Hernaniko 2 pilotari sailkatu dira Donostiako Trinitate Plazako frontoian jokatzen ari den txapelketa pribatu honetako finalerdiak jokatzeko.
Unax Manterola gazteak eta Agesta nafarrak final-laurdenetan irabazi diote 22-14 Armaolea - Urdanpilleta bikoteari eta finalerdia jokatuko dute datorren larunbatean Etxaniz - Mitxelena gipuzkoarren aurka.
Iñigo Labaka seniorrak eta Otxoak (Lapke) 22 eta 14 irabazi diote final-laurdenetan Alonsorekin (Zestoa) jokatzen zuen Xabier Salaberria klubeko kideari eta finalerdia datorren larunbatean jokatuko dute Chiapuso - Sorondo donostiarren aurka.
No hay comentarios:
Publicar un comentario