2021ko apirilaren 30 maiatzaren 2ko oartidak

 

C.D.Hernaniko pilotariek 9 partida jokatuko dituzte asteburu honetan, horietako batzuk garrantzitsuak, hauek dira hitzordu aipagarrienak :

 GIPUZKOAKO 4,5 TXAPELKETA : Asteburu honetan amaituko da probintziala modalitate honetan eta gure pilotariak final garrantzitsuetan sailkatu ezin izan diren arren, horietako hiruk kontsolazio faseko finalak jokatuko dituzte.

Lehen mailako jubeniletan, igandean 11,00etan Andoainen, Anartz Oiartzabalek Arrillagaren (Gazteleku) aurka jokatuko du. Partida berdindua espero da, baina pilotari hernaniarra denboraldiko sasoirik onenean dago eta poza eman diezaguke.

Senior 2. mailan, igandean, 11,30ean, Donostiako Atano pilotalekuan, Unax Uitzik Atxaren (Alde Zaharra) aurka jokatuko du. Nahiz eta pilotari hernaniarra oraindik gazte mailakoa izan, faborito izango da final honetan, bere aurkaria baino gehiago dalako koadro alaietan.

Lehen mailako seniorretan, ostiralean Beasainen 19,30ean, Xabier Salaberriak Amianoren (Tolosa) aurka jokatuko du. Hernaniarraren aurkaria bere mailako pilotari onenetakoa da, faborito izango da, baina Salaberriak txapelketa handia jokatu du, ez du ezer galtzeko eta ezustekoa emateko gai da.

 GIPUZKOAKO TRINKETE TXAPELKETA : Larunbatean, 15,00etan, Iruran, Arluziaga - Apaolaza gazteek Behar zana (Villabona) taldearen aurka jokatuko dute. C.D.Hernaniko bikotea sailkatuta dago finala jokatzeko eta partida hau irabaziz gero partidarik galdu gabe sailkatuko da.

Igandean, 10,30ean, Iruran, Aldunberri - Alvarez seniorrek Huizi - Urruzolaren (Pagazpe) aurka jokatuko dute. Partida zaila daukate, baina irabazi egin beharko dute jaitsieraren promozioa saihestu nahi badute.

 UDABERRI TXAPELKETA :  Asteburu honetan hasiko da Gipuzkoako federazioak antolatutako txapelketa ofizial berri hau. C.D.Hernanik guztira 4 bikote apuntatu ditu txapelketa jokatzeko, 1 senior mailan eta 3 kadeteen mailan.

Deskarga - Manterola 1. mailako kadeteek eta Txintxurreta - Elizazu 2. mailakoek, Hernanin jokatuko dute igandean eta Urkizu - Labaka 1. mailako seniorrek, Zestoan jokatuko dute larunbatean.

TXAPELKETA OFIZIALAK 2020-2021
MAIATZAK 2	FRONTOIA	EGUNA	ORDUA
ALEBINAK
INFANTILAK
KADETEAK
Deskarga - Manterola / Azkoitia	Hernani	Igandea	12,00
Txintxurreta - Elizazu / Zumaia	Hernani	Igandea	11,30
JUBENILAK
Anartz Oiartzabal / Gazteleku	Andoain	Igandea	11,00
NAGUSIAK
Xabier Salaberria / Tolosa	Beasain	Ostirala	19,30
Unax Uitzi / Alde Zaharra	Donostia	Igandea	11,30
Abantzu / Urkizu - Labaka	Zestoa	Larunbata	11,00
TXAPELKETA OFIZIALAK TRINKETEAN 2020-2021
Arluziaga – Apaolaza / Behar Zana	Irura	Larunbata	15,00
Aldunberri – Alvarez / Pagazpe	Irura	Igandea	10,30
TXAPELKETA PRIBATUAK 2020-21
Amets Galatas / Amets Makatzaga	Hernani	Igandea	11,30