Azaroak 25-27 asteburuko partiduen emaitzak

GIPUZKOAKO TXAPELKETA:

Eskuz infantilak : Oiarpe 1 Manex Noble 2
Iker Loiarte 2 Usurbil 1
Mano juveniles : Urkizu - Etxegoien 22 Aurrera Saiaz 15
Leonet - Altuna 9 Añorga 22
Altuna - Lujanbio II 22 Antigua 18
Eskuz nagusiak : Arrieta - Gorrotxategi 22 Ilunpe 11
Palaz jubenilak : Pagola - Huizi 30 Intxurre 11

Jardunaldi borobila hernaniko pilotariena probintzi mailako txapelketa honetan, 6 garaipen eta porrot bakarrarekin emaitza onak lortu diren asteburu baten ondoren.

Emaitza garrantzitsuena Ioritz Arrieta - Aitor Gorrotxategi nagusiek lortu dute Gipuzkoako txapeldun geratu direlarik 22-11 Larrañaga - Uzkudun bikote azpeitiarrari gaina hartuta. Hernaniarrek hasieratik partidua ederki hautsi dute 8-1 markagailuan lorturik, eta hortik aurrera, nahiz eta euren aurkarien erreakzioa topatu, abantaila mantentzea lortu eta partida amaieran oraindik gehiago handitu dute. Arrietak sakeari ematen dion indarra eta abiadura izan dira partidaren oreka hautsi izanaren arrazoi nagusiak. Aitor Gorrotxategi seguru baten laguntza izan duelarik, biek ere txapela lortu dute txapelketa maila oso onean jokatuz.

Goraipatzekoa baita ere Altuna - Lujanbio II jubenilek eta Pagola - Huizi palako neskek lortutako garaipenak, bi bikoteak finalerdiak jokatzeko sailkatu dira.

Azkenik Noble II eta Loiarte infantilen garaipenak aipatzea ere garrantzitsu. 2 pilotariak eskuz banakako fase finala jokatzen ari dira, biak ere garaipenak lortuz eta adin hauetan garrantzitsuena, pilotara jokatzen ikasiz.

Arrieta eta Gorrotxategiren garaipeneko argazki batzuk, ZORIONAK!!!

Azaroak 25-27 asteburuko partiduak

GIPUZKOAKO TXAPELKETA:

Partidu garrantzitsuenak Hernanin jokatuko dira, Pagola - Huizi neskak eta Altuna - Lujanbio II mutil jubenilak. 2 partiduak irabaztea lortzen badute, finalerdiak jokatzeko sailkatuko dira.

Jardunaldiko partidu garrantzitsuena Arrieta - Gorrotxategi bikoteak jokatuko du igandean Bergaran. Larrañaga - Uzkudun bikote azpeitiarraren aurka jokatuko dute ohorezko mailako finala. Partida berdindua izatea espero da, gaur egun afizionatu mailan dauden bi bikote hoberenetakoen arteko hau. Bikote hernaniarrak piloteoari gaina hartu eta Larrañagaren errematea ekiditea lortzen badute, probintzi mailako txapelketan txapela lortzeko aukera handiak dituzte.

Azaroak 18-20 asteburuko partiduen emaitzak

GIPUZKOAKO TXAPELKETA:
Eskuz juvenilak : Urkizu - Etxegoien 22 Leonat - Altuna 13
Eskuz nagusiak : Usurbil 22 Esnal - Aizpitarte 9 (finalerdia)
Lujanbio - Esnaola 22 Bergara 14
Palaz jubenilak : Suberri 8 Pagola - Huizi 30
Intxurre 6 Goikoetxea - Arrieta 30

Jardunaldi ona pilotari hernaniarren azken hau, 4 garaipen eta 2 porrot izanik.
Hoberena neska jubenilen 2 garaipenak, Goikoetxea - Arrieta eta Pagola - Huizi sailkapenean lider gisa daude jardunaldi baten faltan.
Okerrena Esnal - Aizpitarte nagusien porrota izan da, finala jokatu eta datorren urtean ohorezko mailara igotzeko aukera galdu baitute. Hernaniko bikoteak ez zuen bere ohiko maila eman eta Usurbildarrek ondo garaitu zituzten, Santxo aurrelaria nabarmendu zelarik partida oso ona jokatuz.

Azaroak 18-20 asteburuko partiduak

Asteburu honetako partiduak:

Jardunaldiko partidurik garrantzitsuena Iñaki Esnal - Eneko Aizpitarte bikoteak jokatuko du ostiralean Aginaga-ko frontoiean. 1. mailako finalerdia izango da Santxo - Altuna bikote Usurbildarraren aurka. Irabazleak finala jokatuko du eta gainera datorren urtean ohorezko mailan egongo da.
Itxuraz partida oso erakargarri eta berdindua espero da, exprofesional izandako Esnal eta Altuna, etorkizun handia duten Santxo eta Aizpitarte pilotarirekin.

Azaroak 11-13 asteburuko partiduen emaitzak

EGIAKO TXAPELKETA : Guztiz arrakastatsuak hernaniko 3 pilotariek jokatutako finalak txapelketa honetan. Murgiondo, Ojuel eta Gorrotxategik txapelak irabazi dituzte 2 final oso ezberdinetan.

Jubenil mailan, Aritz Murgiondo, Xabier Barandiaran astigarragako pilotariaren laguntzarekin, 22-11 garaitu dute Sarasti - Erostarbe bikotea. Partidu ona izan da, non Barandiaran aurrelaria izan den protagonista nagusia. Donostiako frontoian egon zen ikuslegoa txunditurik utzi zuen era guztietako jokaldien bitartez, batez ere bere boleari ematen dion norabidea goraipatuz, benetako maisu gisa menperatzen duen jokaldia. Guzti hau Murgiondo oso seguru baten laguntza izan zuelarik, bizkarra oso ongi babestu ziolarik eta alde egindako pilota batzuetan nahikoa zorte edukita.

Nagusi mailan, Paul Ojuen eta Aitor Gorrotxategik 22 - 16 garaitu dute Olaetxea - Arzelus bikotea. Partida ez da oso ona izan, bertan pilotari gehienek ere akats asko egin dutelarik eta gainera Ojuel eta Arzelus-en lesioak direla medio baldintzatua egon da, lehena zuntz haustura batekin bere alboan eta bigarrenak eskubiko eskua egoera txarrean edukirik. Hala eta guztiz ere, hernaniko bikoteak bere lanbidea ongi egiten jakin du, eta euren esperientzi gehigarriarekin garaipena lortu dute. Aipatzekoa batez ere Aitor Gorrotxategi-ren jokoa, partida aparta jokatu baitu ia pelotarik galdu gabe, gainera antolatzaileek txapelketako pilotari hoberenaren garaikurra eman diotelarik.

GIPUZKOAKO TXAPELKETA:
Eskuz infantilak : Endika Arizmendi 0 Antiguako 2
Iñigo Arrozpide 0 Añorga 2
Ander Lazkano 2 Urnieta 1
Alain Agirre 1 Zumaia 2
Manex Noble 2 Intza 0
Xabat Pagola 0 Antiguako 2
Gazteleku 2 Ioritz Berasarte 0
Hondarribia 0 Iker Loiarte 2
Intza 2 Jokin Elizalde 0

Eskuz kadeteak : Urnieta 22 Arrue - Rodriguez 2

Eskuz jubenilak : Altuna - Lujanbio II 19 Bergara 22

Eskuz nagusiak : Intxurre 22 Etxenike - Zurutuza 9

Palez jubenilak : Pagola - Huizi 30 Zubieta 9
Goikoetxea - Arrieta 30 Suberri 6

Jardunaldia ezkorra izan da eta azkar ahaztu beharrekoa, 5 garaipen eta 9 porrot izanik azteburuaren amaieran.

Hoberena azken fasea jokatzeko Loiarte eta Noble II -ren sailkapena izan da. Baita ere jubeniletako neskek lortutako 2 garaipenak, honen bitartez sailkapenaren gorenean jarraitzen dute euren mailan.

Okerrena, gainerako 7 pilotari infantilak fase finalerako ez direla sailkatu izan da. Hala ere datu hau ez da hil ala bizikoa, adin honetan garrantzitsuena partidu asko jokatu eta lanbidea ikastea baita. Larritzekoa baita ere Altuna - Lujanbio II bikotearen 2. porrota jarraian, azken jardunaldian garaipena lortu beharko dute finalerdiak jokatzeko sailkatu nahi badute.

Azaroak 11-13 asteburuko partiduak

EGIAKO TXAPELKETA: Igandean, 11:00 etatik aurrera, donostiako auzo honetan eman den txapelketako finalak jokatuko dira.

Jubeniletan, Barandiaran astigarrako pilotaria eta berarekin jokatzen ari den Aritz Murgiondo, Sarasti - Erostarbe bikotearen aurka arituko dira, lauek ere beren maila emanez gero partida oso erakargarria izan daitekeelarik. Finalera iristeko Maia - Imaz bikotea finalaurdenetan gainditu zuten, eta Manzisidor - Apeztegia finalerdietan.

Nagusietan Paul Ojuel - Aitor Gorrotxategi bikoteak Olaetxea - Arzelus izango du aurkari, hernaniarrek beren mailan jokatu ezkero faboritoak izango dira partida honetan, baina zuhurrak izatea hobe dute kontutan izanda alde batetik Paul Ojuel lunbar inguruko arazoekin ibili dela eta Aitor Gorrotxategik beste partidu garrantzitsu bat duela larunbatean Matienan bestetik. Finalera iristeko Muguruza - Fernandez bikotea garaitu zuten eta Urbieta - Zubiri finalerdietan.

GIPUZKOAKO TXAPELKETA :

Hiru pilotari infantilek partidu garrantzitsuak dituzte, irabazi ezkero finala jokatzeko sailkatuko baitira.

Altuna - Lujanbio II eskuzko bikote jubenilak bere garaitezintasuna galdu ondoren, irabazi egin behar dute finalerdietan sartu nahi badute.

Azaroak 4-6 asteburuko partiduen emaitzak

GIPUZKOAKO TXAPELKETA:

Eskuz infantilak : Iker Loiarte 2 Gazteleku 0
Jokin Elizalde 0 Gazteleku 2
Unai Iglesias 0 Hondarribia 2
Zumaia 0 Manex Noble 2
Urnieta 1 Alain Agirre 2

Eskuz kadeteak : Arrue - Rodriguez 15 Tartaloetxe 22

Eskuz jubenilak : Gazteleku 7 Urkizu - Etxegoien 22
Leonet - Altuna 10 Aurrera Saiaz 22
Altuna - Lujanbio II 10 Urnieta 22

Eskuz nagusiak : Arrieta - Gorrotxategi 22 Bergara 8
Igeldo 13 Esnal - Aizpitarte 22
Lujanbio - Esnaola 7 Ilunpe 22
Etxenike - Zurutuza 22 Murumendi 16

Jardunaldi ona Hernaniko pilotariek probintzia mailan egindako azken honetan 7 garaipen eta 6 porrotekin, bertan berri onak eta txarrak izan direlarik.

Hoberena Arrieta - Gorrotxategi eta Esnal - Aizpitarte bikoteen garaipenak izan dira, lehenak ohorezko mailan finalerako sailkatu direlarik eta bigarrenak 1. mailako finalerdia jokatuko dute, datorren urtean ohorezko mailan sartzeko borrokatuz.

Bestalde, Lujanbio - Esnaola bikotearen porrota izan dugu, hortaz datorren urtean 3. mailan jokatuko dutelarik. Era berean Altuna - Lujanbio II bikote jubenilak partida galdu dute garaitezintasuna galduz, hala ere finalerdietarako sailkatzeko aukera askorekin jarraitzen dute.

Azaroak 4-6 asteburuko partiduak

Asteburu honetako partidak:

1. mailako nagusiek partidu garrantzitsua dute, Esnal - Aizpitarte bikoteak Donostiako Ibaeta auzoan irabazi ezkero finalerdiak jokatzera igaroko dira.

2. mailako nagusiek partidu garrantzitsua dute, Lujanbio - Esnaola bikoteak Hernanin galdu ezkero mailak jaitsiko baitira.

Ohorezko mailan ere dema garrantzitsua du Arrieta - Gorrotxategi bikoteak, irabazi ezkero probintzia mailako finala jokatuko dute.